Республикӑра «Уй кунӗсем» иртеççĕ

Семинар-канашлура çитĕнтернĕ тухăçа тирпейлемелли стратегипе тактика ыйтăвĕсене сӳтсе явнӑ, пӗлтерет регион министерствин пресс-служби.

— Ҫак сезон пирӗн «шӑрӑх» пулса тӑчӗ, ку вӑхӑтлӑх пулӑм пуласса шанатпӑр, анчах та климат малалла ăшăтассине, ҫӗнӗ технологисене, сортсене тӗпчеме хатӗр пулмалла, — терӗ ПР ялхуҫалӑх министрӗ Ильшат Фазрахманов сăмах каланă чух.

«Тырӑ пахалӑхне хак памалли Центр» ФГБУ Филиал директорӗ Юрий Петров хӑй тухса каланӑ чухне республика 2021 ҫулхи тыр-пул пахалӑхне патшалӑх мониторингне ирттермелли пилот проектне хутшăннине, туса кӑларнӑ тыррӑн 100 процентне тĕрĕсленине аса илтерчӗ. 2022 ҫулхи январĕн 1-мӗшӗнчен пуҫласа Раҫҫейри вӑрлӑха туса илмелли, упрамалли тата сутмалли тапхăрсене сăнамалли пӗрлехи информаци тытӑмне туса хурассипе ҫыхӑннӑ саккун вӑя кӗрет.

Семинара хутшӑнакансем Калтасă районӗнчи «Победа» пысăк ял хуҫалӑхĕнче ҫӗнӗ культурӑсен опытлӑ калчисене пӑхса тухнӑ.

Аса илтеретпӗр, «Уй кунӗсене» тата тӑватӑ районта ирттерме палӑртнӑ, тепӗр семинар юнкун, июлӗн 21-мӗшӗнче, Альшей районӗнче иртет.

Тĕплĕнрех: https://resbash.ru/news/ekonomika