"Переработка" ООО поварӗ Татьяна Райко хуҫалӑх ӗҫченӗсем валли тутлӑ апат хатӗрлет.

Вырмалли ӗҫ вӗҫленсе пырать, анчах хальлӗхе уй-хирти ӗҫсем вӗҫленмен-ха. Хуратул тата техника культурисем юлаҫҫӗ-ха. Кӗрхи тырӑсем акаççĕ.

— Кашни кунах 15—17 ҫын валли апат хатӗрлетӗп, вӗсем уй-хирсенче тата трактор паркӗнче ӗҫлеҫҫӗ, — тет Татьяна Райко. — Ачасем Женьӑпа Саша вырӑнти вӑтам шкулта вӗренеҫҫӗ, ҫитӗннӗ хӗр Мария манӑн пӗрремӗш пулăшакан. Механизаторсем валли эпир час-часах шӳрпе тата пӑтӑ хатӗрлетпӗр. Упӑшка Алексей Александрович кустӑрмаллă тракторпа ӗҫлет.

Татьяна Райко 2000 ҫулта Хушăлка вӑтам шкулне пӗтернӗ. Унтан Пишпӳлекри 149-мĕш ПУра кондитер-повара вӗренсе тухнӑ. Повар ӗҫӗ уншӑн сезон ӗҫӗ кӑна, вӑл ҫу уйӑхӗнчен пуҫласа уй-хир ӗҫӗсене пӗтеричченех пырать. Унӑн тӗп ĕç вырӑнӗ — ялти Культура çуртӗнче, вăл техника персоналӗ.

— Ĕççи пынă чухне пĕрремĕшне те, иккĕмĕшне те пĕçеретĕп, — малалла каларӗ Татьяна Петровна. — Паллах ӗнтӗ, салатсем, компотсем тата тӗрлӗрен пылак апатсем те хатӗрлетӗп. Апат-ҫимӗҫе вырӑнти лавккаран, аш-какайне хуçалăхран илетӗп. Хатӗрленĕ май яланах хам ăшра юрлатӑп. Ҫакна мана анне вӗрентрӗ.

Владимир СМОЛОВ.

Сӑнӳкерчӗкӗ: Владимир СМОЛОВ.