Эльза Батталован шедеврĕсене пĕтĕм Пушкăртстан пĕлет

Баршри Эльза Батталова "Гастросувенир" конкурса хутшӑнса пӗрремӗш вырӑн йышӑннӑ, ачасем валли тортсен конкурсӗнче иккӗмӗш вырӑн йышӑннӑ. Эльза Пишпÿлек районӗн символне — сӑвӑра торт çине «вырнаҫтарнӑ», иккӗмӗш 3Д торт дракон евӗрлӗ пулнă.

— "Гастрономи сувенирӗ" конкурсра Пишпÿлек районӗн символӗпе торт тӑратрăм. Малтанах ун пек темӑна суйламанччĕ, анчах пултарулӑх процесӗнче ҫакӑн пек итог пулса тӑчĕ. "Ача-пăча торчĕ" конкурсра динозавр евӗрлӗ 3Д торт тӑратрăм. Кӗске вӑхӑтра лайӑх композици суйламалла пулчĕ, ăсталăхпа тĕлĕнтермеллеччĕ. Торта мастикăпа витнӗ. Тортсем ҫӳллех мар, ҫавӑнпа вӗсем тӗрӗс-тӗкелех Уфана ҫитрӗҫ. Маншӑн чи малтан конкурсра ҫӗнтерӳ мар, хутшӑнни кирлӗ пулчӗ. Эмоцисем манӑн ӗҫ пӳлӗмӗн чиккинчен тухнăран  эпĕ питĕ кӑмӑллӑ. Манӑн пултарулӑха клиентсемпе ял ҫыннисем ҫеҫ мар, пӗтӗм Пушкӑртстан ҫыннисем те курни савӑнтарать. Конкурс манăн пултарулӑхăн чиккисене анлӑлатма май пачӗ. Конкурсра ҫӗнтерӳ манӑн кондитер профессийӗ ҫуккине шута илсе ăсталăха ӳстерни пулать. Кондитер ӗҫӗ — манӑн ӗҫ иккенне черетлĕ хут ĕнентĕм, — каласа пачĕ Эльза Батталова мӗн курни-илтни ҫинчен.

Карина ИВАНОВА.

Сăнÿкерчĕкĕсем: Эльза Батталова.