Пишпÿлек вăрманĕсен шăпи вĕсен аллинче

Професси уявӗ — Вӑрман работникӗсен кунӗ умӗн эпир ПР ГКУ "Управление лесничествами" Белебейри лесничествӑн Пишпÿлек районӗнчи пайӗн участокри лесничиӗпе Артур Уканеевпа тӗл пултӑмӑр.

— Юлашки вӑхӑтра шӑрӑх та типӗ ҫуллана пула вӑрманти пушарсем пысӑк территорисенче пулни патшалӑх масштабӗллĕ пысӑк проблемисене çаврăнса ҫулсеренех сахал мар чӑрмав кӳрет. Вӑрман хуҫалӑхӗнче ӗҫлекенсене ҫеҫ мар, МЧС ӗҫлекенсен те, ҫар чаҫӗсенчи ҫар ҫыннисен те, ҫавӑн пекех халӑх пурӑнакан вырӑнсенче пурӑнакансен те вутпа кӗрешме тивет, — тет Артур Вадимович. — Пушкӑртстанра ЧС пушар режимне кӗркунне пуҫланнӑранпа та пӑрахӑҫламан-ха. Пишпÿлек районӗн пӗрре виççĕмĕш пайне йывӑҫ тӗмӗсем тата вӑрман тӑрӑхӗсем — хутӑш вӑрмансем йышӑнаҫҫӗ. Демски, Пишпÿлек тата Михайловка участокри лесничествӑсенче вӑрман работникӗсем пĕтĕмпе сакӑр ҫын шутланать. Кӑҫалхи сакӑр уйӑх хушшинче вӗсем пысӑк ӗҫ тунӑ: минерализациленӗ йӑрӑмсене пӑхакан пушарсене хирӗҫ мероприятисем ирттернӗ, кану вырӑнӗсене тирпейленӗ, 28,7 гектар пӗтӗмӗшле площадьре санитарипе сывлӑха ҫирӗплетмелли мероприятисем йӗркеленӗ. 4700 гектар площадьре непарный шелкопряд сăтăрçа пӗтерес ӗҫ пурнӑҫланӑ. Ҫуркунне йывӑҫсем лартнӑ чухне нумай субботниксене тӗрлӗ организацисемпе шкулсенчен ҫӗр ытла ҫын явӑҫать. Ҫакӑншӑн вӗсене пурне те питӗ пысӑк тав.

Владимир СМОЛОВ.

Сăнÿкерчĕкĕ: Владимир СМОЛОВ.

Сăнÿкерчĕк çинче (сулахайран сылтăмалла): Александр Иванов, Ильгиз Ахметов, Глюс Зарипов, Аксан тата Ильнар Кашаповсем.