"Управдом" форумра районти нумай ыйтусене сÿтсе явнă

Ӗнерхи кун Пишпÿлекре пурăнакан Лидия Федоровна Сальмановапа Любовь Чифрановашăн хитре вĕçленнĕ, вĕсене Пӗтӗм Раҫҫейри "Чи лайӑх ҫурт.Чи лайӑх картиш" конкурсра ҫӗнтернӗшӗн 10 000 тенкӗлӗх сертификатсем парнеленӗ. Вӗсене Пишпÿлек район администрацийӗн пуҫлӑхӗ Артур Зарипов район администрацийӗн ларӑвӗсен залӗнче иртнӗ "Управдом" форумра панă.
Ҫак тӗлпулура кӑмӑллӑ самантсем, усӑллӑ информаци нумай пулнӑ, нумай хваттерлӗ ҫуртсен совечӗсен председателӗсемшӗн те ҫивӗч ыйтусене хускатнӑ.
Форум район администраци пуҫлӑхӗ Артур Зарипов тухса каланинчен пуҫланнӑ, вӑл форумӑн тӗп темисене палӑртнӑ.
– Пирӗн тӗллев паян вырӑнти проблемӑсене, уйрӑм ҫуртӑн, уйрӑм картишӗн проблемисене сӳтсе явасси. Тепӗр хут калатӑп: пирӗн паянхи тема ҫурт-йӗре кĕркуннехипе хĕллехи вăхăтра эксплуатацилесси.
Малалла район администраци пуҫлӑхӗн строительство тата ЖКХ енĕпе ĕçлекен ҫумне Алексей Никитина, районти ресурспа тивӗҫтерекен организацисен ертӳҫисене сӑмах панӑ.
Вентиляци тата тӗтӗм каналӗсене ӑшӑтмалли сезона хатӗрлессине форумри уйрӑм ыйтусемпе сӳтсе явнă.
Пишпÿлек ял тӑрӑх пуҫлӑхӗ Александр Семенов ял тӑрӑхӗн территорийӗнче ӗҫсем мӗнле пыни ҫинчен каласа панă, чечек пахчисен районти конкурсне пӗтӗмлетнӗ. Вӑл нумай хваттерлӗ ҫуртсенче пурӑнакансене, чечекçĕсен конкурсӗнче ҫӗнтерекенсем пулса тӑнӑскерсене, вӑрлӑх туянма сертификатсем панă.
Форумра ялта пурӑнакансем хӑйсен сӗнӗвӗсене каласа пама тата интереслӗ ыйтусем пама пултарнӑ. "Управдом" форум нумай хваттерлӗ ҫуртсенче пурӑнакансене пăшăрхантаракан нумай ыйтӑвӗсем ҫине хуравланă, вырӑнти влаҫсем ҫивӗч ыйтусене татса пама район ҫыннисемпе калаҫӑва хатӗррине тепӗр хут ҫирӗплетсе пачӗç.
Сăнÿкерчĕкĕсем: Пишпÿлек администрацин социаллă сетьри страницинчен.