Каминкери обелиска çĕнетеççĕ

Каминкери Шкул урамĕнче Аслă Отечественнăй вăрçă участникĕсене пурне те чысласа лартнă палăка виçĕ Эрне каярах юсама пуçланă.

Каминке ял Совечĕ ял тăрăх пуçлăхĕ Ирина Шишкина каласа панă тăрăх, кунта вырăнти фермерăн Анатолий Трофимовăн бригади ĕçлет — Александр Киктенко сварщик, ăна Рафис Исангуловпа Николай Моисеев пулăшаççĕ.

Палăкĕ хăй начар мар шайра, хушамачĕсене çырнă айккинчи плитасене улăштармалла. Унччен унта 187 хушамат пулнă, халĕ тата 80 хушамат хушăнмалла. Ирина Павловнан сăмахĕсем тăрăх, укçа-тенке «Единая Россия» парти «Реальные дела» программăпа уйăрнă.

Владимир СМОЛОВ.

Сăнÿкерчĕкĕ: Владимир СМОЛОВ.