Атăлçи федераллĕ округри 14 регионтан 10 пин ытла Çĕнтерÿ открытки ярса панă

Икĕ эрне çукрах вăхăт тăршшĕнче Аслă Çĕнтерĕвĕн 75 çулхи юбилейĕ тĕлне уникаллĕ коллекцие 10 пин ÿкерчĕк, коллаж тата аппликаци килнĕ. Кашни открыткăра — ветерансене тав туни, Тăван çĕршывшăн мăнаçланни тата тăнăç пурнăçа упраса хăварассишĕн тăни.

Уявпа саламланисем Атăлçи федераллĕ округри республикăсенче пурăнакансен тăван чĕлхипе янăраççĕ — Аслă Çĕнтерÿ пуриншĕн те пĕрре. Çакăн çинчен виртуаллă галерея, халăх проекчĕн авторĕсем калаççĕ. Проекта ПФО РФ Президенчĕн полномочлă представителĕн аппарачĕ пулăшнипе пурнăçа кĕртеççĕ.

Шкул ачисемпе студентсемшĕн çакнашкал формат — Аслă Отечественнăй вăрçа çинчен пĕлĕвне çĕнетесси. Чăн-чăн плакат пек открыткăсем те пур, вĕсем çар операцийĕсем, полководецсем, геройсем çинчен каласа параççĕ; хăш-пĕр ĕçсем тылри паттăрлăха сăнласа параççĕ; теприсене тума авторсем çемьере упранакан çырусемпе тата сăнÿкерчĕксемпе усă курнă.

Пирĕн пĕрлехи коллекцие пуянлатас тесен пфопобеда.рф сайтри «Добавить открытку» формăра сăнÿкерчĕке е унăн скане çыпăçтармалла, кăштахран сирĕн сăнÿкерчĕк «Открытки Победы» галерейăна кĕрет.

Читайте нас: