Ачасен куҫӗсенче Афган ҫӗрӗ ҫинче пулса иртнӗ трагедие ӑнланни палӑрать

Кистенлĕпуçĕнчи ял клубӗн Раҫҫейри интернационалист-воинсен кунĕ тĕлне халалланă "Ют вӑрҫӑ ахрăмĕ" темăлла программинче ачасем Афганистана инҫетри 1979 ҫулта совет ҫарӗсен пысăк мар контингентне мĕншĕн кӗртнине, воин-афганецсем хӑйсен интернационаллӑ тивӗҫне пурнӑҫлани çинчен пӗлнĕ. Афганистанра ҫапӑҫнӑ ентешсене уйрӑмах тимлӗх уйӑрнӑ. Калав электронлӑ презентаципе иртнӗ, ачасем Афганистанра ирттернӗ ҫӑмӑл мар кунсемпе йывӑр ҫапӑҫусем ҫинчен пӗлнĕ. Ҫак ăнланмалла мар тата хӑрушӑ вӑрҫӑ ҫинчен ыйтусем панӑ. Ачасен куҫӗсенче Афган ҫӗрӗ ҫинче пулса иртнӗ трагедие ӑнланни палӑрать.
Сăнÿкерчĕкĕсем: Кистенлĕпуçĕнчи ял клубĕн социаллă сетьри страницинчен.