Тӑван çӗршыв тулашӗнче служба тивӗҫне пурнӑҫланӑ Раҫҫей ҫыннисене асӑннӑ куна паллӑ тунӑ

Пишпÿлекре Тӑван çӗршыв тулашӗнче служба тивӗҫне пурнӑҫланӑ Раҫҫей ҫыннисене асӑннӑ куна паллӑ тунӑ. Чаплӑ митинг Тӑван çӗршыв хӳтӗлевçисен паркӗнче пулнă. Ӑна Афганистанри вӑрҫӑ ветеранӗсем, ветеран организацийӗсен представителӗсем, районти учрежденисемпе организацисен ертӳҫисем хутшӑннă. Митингра тухса каланӑ район администраци пуҫлӑхӗ Артур Зарипов ҫак асран кайми кун ҫитӗнекен ӑрӑва историлле асра тытас тата воспитани парас ӗҫре пысӑк пӗлтерӗшлӗ пулнине палӑртнă. Мероприятие çавӑн пекех Пушкӑрт Республикин ҫар комиссарӗ Михаил Блажевич тата интернационалист-ветерансен Канашӗн председателӗ Вильмир Ахметзянов та хутшӑннӑ.
Чаплӑ митинг вӗҫленнӗ хыҫҫӑн мемориал плитасем ҫине чечексем хунă, асӑнмалӑх сӑнӳкерчӗксем тунă.
Сăнÿкерчĕкĕсем: Пишпÿлек район администрацин социаллă сетьри страницинчен.