Хушăлкара ҫемьесене чысласси ырӑ йӑла пулса тӑнă

Хушăлкари Культура ҫуртӗнче Пысӑк та туслӑ ҫемье çулталӑкӗ шайӗнче тӑван ялти ҫемйисене чысласси ырӑ йӑла пулса тӑнă.
Хушăлка ял Совечĕн администрацийӗпе пӗрле йӗркеленӗ мероприятире Виктор Тимофеев председатель ялти демографи лару-тӑрӑвӗн кӗске пӗтӗмлетӗвӗсемпе паллаштарнă ‑ вӑл вара чӑннипе те хавхалантарать.
Ялти чи ҫамрӑк çын — Кирилл Олегович Кондратьев. Арҫын ача тăватă уйӑхра кӑна, вӑл — ҫемьере виҫҫӗмӗш ача, унта ӗнтӗ икӗ чаплӑ хӗрача ӳсет. Пепке юратакан ашшӗ-амӑшӗн ҫуначӗ айӗнче сывӑ та телейлӗ ӳстӗр!
Чи асли — Раиса Ананьевна Иванова. Кӑҫалхи январьте вӑл хӑйӗн 99‑мӗш ҫуралнӑ кунне паллӑ тунӑ! Унӑн пурнӑҫ ҫулӗ — тӑван ҫӗре ҫирӗплӗх, ӑслӑлӑх тата юрату тӗслӗхӗ. Пуҫ тайса вӑрӑм ӗмӗр ăна!
Ял совет пуҫлӑхӗ хутшăнакансене пурне те ҫак ӑшӑ пулӑмпа саламланă, ҫирӗп сывлӑх, ҫемье ырлӑхӗ тата пуҫ тӑрринчи тӑнӑҫ тӳпе суннă. Малашне ялта тата та ытларах пепкесем — йӑла-йӗркене сыхлакансем тата пуласлӑха тӑвакансем — ҫураласса шаннине пӗлтернӗ вӑл.
Тӗлпулу вӗҫӗнче чи пӗчӗк хутшӑнакансене ҫутӑ теттесем панă — вӗсем савӑнӑҫ, йӑл кулӑ парнелеччӗр! Аннесене вара хӑйсен ҫемйисене паракан юратушӑн, тӑрӑшулӑхшӑн, ӑшшишӗн хисеплесе, тав туса чечек ҫыххисем парнеленĕ.
Мероприятире СВОна хутшăнаканăн амӑшне В.А. Коновалована тав ҫырӑвӗпе паллӑ тунă. Дмитрий Павлов тава тивӗҫлӗ награда — «Фронта пулӑшнӑшӑн» медаль илнӗ.
#годбольшойидружнойсемьи
#годединстваидружбынародов
#СВОи

Сăнÿкерчĕкĕсем: Хушăлкари Культура çурчĕн социаллă сетьри страницинчен.
https://vk.com/public116068194