Пушкӑртра СВОна хутшăнакансене пулӑшакан центрсен сетьне анлӑлатаҫҫӗ

Пушкӑртстан Республикин Пуҫлӑхӗ Радий Хабиров ятарлӑ ҫар операцине хутшӑнакансене тата вӗсен ҫемйисене пулӑшасси регион влаҫӗсемшӗн тӗп приоритетсенчен пӗри пулса юлнине пӗлтернӗ. Пулӑшу мерисен шутне ӳстерессипе кӑна мар, вӗсене илме хӑтлӑ условисем туса парассипе те ӗҫ пынине, граждансем ытлашши бюрократисӗр тата пӗр вырӑнта пулӑшу йӗркелеме пултарнине палӑртнă вӑл.
Радий Хабиров паянхи кун республикӑри хуласемпе районсенче СВО участникӗсене пулӑшакан вунă пӗрлехи центр ӗҫленине пӗлтернӗ. Вӗсене Стерлитамакра, Октябрьскинче, Сибайра, Нефтекамскра, Уфара, çавӑн пекех Баймак, Давлекан, Дюртюли, Калтасă тата Мелеуз районӗсенче уҫнӑ. Ҫӗнӗ тӗллев - Пушкӑртстанри кашни муниципалитетра ҫакнашкал центрсем йӗркелесси.
Пуҫлӑх каланӑ тӑрӑх, ҫак учрежденисенче медицина тата психологи пулӑшӑвӗнчен пуҫласа юридици консультацийӗсем тата волонтер пулӑшӑвӗ таранах пулӑшу кӳреҫҫӗ. Центрсенче ҫавӑн пекех «Защитники Отечества» фондри социаллӑ координаторсем ӗҫлеҫҫӗ, вӗсем ветерансемпе вилнисен ҫемйисен членӗсене ӑсатаҫҫӗ. Унсӑр пуҫне вӗсен площадкисенче тӑтӑшах тӗрлӗ мероприятисем иртеҫҫӗ, ҫав шутра республикӑри министерствӑсемпе ведомствӑсен представителӗсене тухса ҫӳремелли йышӑнусем те.
Радий Хабиров уйрӑммӑн палӑртнӑ тӑрӑх, пӗрлехи центрсене пулӑшу ыйтма кӑна мар, ӑна кӳрес текен ҫынсем те килеҫҫӗ. Ҫар ҫыннисене пулӑшас тӗллевпе хӑйсен тӳпине хывакансене республика Пуҫлӑхӗ пысӑк тав сӑмахӗ каланă.
Сӑнӳкерчӗкĕ: Радий Хабировăн социаллă сетĕнчен.

https://mgazeta.com/news/novosti/2025-11-26/v-bashkirii-rasshiryayut-set-tsentrov-podderzhki-uchastnikov-svo-4482569