«Пирĕн Çĕнтерÿ кунĕ» юрă марафонĕ Пермь крайĕнче иртет

«Çĕнтерÿ кунĕ» юрра Пермьри оперăпа балет театрĕн солисчĕсемпе Наталья Кирилловапа, Владимир Тайсаевпа, Эдуард Морозовпа пĕрле Пермьри арçын ачасен хор каппеллин 20 артисчĕ юрланă. Музыка инструменчĕсемпе Пермь крайĕн филармонин вырăс халăх инструменчĕсен оркестрĕн 48 музыканчĕ вылянă, дирижерĕ тата художествăлла ертÿçи Галина Токарева.
Видеоролика хулари паллă вырăнсенче тата филармонин Пысăк концерт залĕнче мартра, самоизоляци режимне кĕртиччен, ÿкернĕ.
Ку юрра ăнсăртран суйласа илмен. Д.Тухманов композитор тата В.Харитонов поэт çак юрăра халăхăн паттăрлăхĕпе патриотла туйăмне туллин уçса пама пултарнă. Çавăн пекех уяв гимнĕ пулса тăнă юррăн кăçал юбилей – пуçласа ăна 45 çул каялла шăрантарнă.
Вăрçă çулĕсенче Пермьран фронта самолет двигателĕсем, пушкăсем, пăрăх ăсатнă. Кунгуртан — атăсем, Лысовран — каскăсем. Шахтерсем, металлургсем, нефтяниксем фронт вали ĕçленĕ. Молотов облаçĕнче пысăк госпиталь бази пулнă, хуласемпе ялсем Лениградран эвакуациленĕ çынсене йышăннă.
Пермь крайĕ эстафетăна Саратов облаçне парать. Республикăсемпе облаçсен юрă коллективĕсем «Çĕнтерÿ кунĕ» юрра юрланине апрелĕн 25-мĕшĕнчен вырăнти, федераллĕ телеканалсемпе радиосанцисенче, #песнипобедыПФО, #нашденьпобеды хештегсемпе социаллă сетьсенче пăхма пулать.