«Пирĕн Çĕнтерÿ кунĕ» юрă марафонĕ Ульяновск облаçĕнче

#песнипобедыПФО, #нашденьпобеды Проект йĕркипе Атăлçи федераллĕ округа кĕрекен 14 регион «Çĕнтерÿ кунĕ» юрра — пирĕн асаттесен мухтавĕпе хастарлăхĕн символĕ пулса тăнă юрра — юрлаççĕ. Аслă Отечественнăй вăрçă вăхăтĕнче Ульяновск облаçĕнче пурăнакансем паттăрлах кăтартнине архив материалĕсем тăрăх пĕлме пулать. Облаçре пурăнакансем фронтра та, тылра та Çĕнтерĕве туптанă. Ульяновска автомобиль заводне эвакуациленĕ пулнă, унта вăрçă çулĕсенче 7,8 пин автомобиль пуçтарнă.Кашни виççĕмĕш патрона Володарский ячĕллĕ патрон заводĕнче туса кăларнă. Салтаксен шинелĕсенчен кашни тăваттăмĕшне Ульяновскри фабрикăсенче туса кăларнă пуставран çĕленĕ. Облаçри 26 госпитальте 133 пин салтакпа офицер сипленнĕ. Паян Ульяновскра пурте пĕлекен «Çĕнтерÿ кунĕ» юрра чи лайăх музыкантсем юрланă: «Волга» патшалăх юрăпа ташă ансамблĕн солисчĕсем, «Çĕнтерÿ волонтерĕсем» обществăлла юхăмăн членĕсем, Ульяновскри патшалăх педагогика университечĕн студенчĕсем тата «Соловушка» РФ халăх творчествин тава тивĕçлĕ коллективăн участникĕсем — патриотла воспитанишĕн халăх премине тивĕçнĕскерсем.