Мӑшӑрланма - мотоциклпа

Ирина тата Евгений мӑшӑрлану керменне чаплӑ машинӑпа мар, урӑх транспортпа килнӗ. Вӗсем тусӗсемпе пӗрле мотоцикл ҫине ларса хут уйӑрттарма ҫитнӗ. Кун пирки Шупашкарти Мускав районӗн администрацийӗ пӗлтерет.

Хӑйне евӗр туй ҫурла уйӑхӗн 11-мӗшӗнче пулнӑ. Иринӑпа Евгений мӑшӑрлану керменне кӗрсе хут уйӑрттарнӑ та шлем тӑхӑнса уява малалла паллӑ тума мотоциклпа вӗҫтернӗ. Тусӗсем те вӗсем хыҫҫӑнах мотоциклпа кайнӑ.

#ҫамрӑксем, #Шупащкар