WorldSkills Russia: чечек лартмалла, габионсем, çулсем тумалла

Уфари ландшафт дизайнерӗсен команди WorldSkills Russia площадкине пӗрремӗш хут тухать.
Пушкӑртстанри "Ландшафт дизайнӗ" компетенцире виҫӗ команда – икӗ ҫамрӑк профессионал (16 ҫултан пуҫласа 22 ҫул таран) тата юниорсенчен пӗри (14 ҫултан пуҫласа 16 ҫул таран) пулать.
"Ҫитӗннисен" командин йышӗнче – Уфари вӑрман техникумӗн пӗрремӗш тата иккӗмӗш курс студенчӗсем, "çамрăксен"- республика экономикăпа биологи центрӗн воспитанникӗсем.
– Чемпионата эпир пӗрремӗш хут хутшӑнатпӑр, ку пирӗншӗн пуриншӗн те питӗ яваплӑ та кӑткӑс, мӗншӗн тесен ытти командӑсенчен нумайӑшӗ WorldSkills стандарчӗсемпе чемпионатсене хутшӑнса курнă. Эпир вӗренӳпе опытлӑ хуҫалӑхра -Уфари лимонарийӗнче – хатӗрленетпӗр, - каласа пачӗ Гульназ Ихсанова, Пушкӑртстанри ландшафт дизайнӗн командин эксперчӗ.
Компетенци эксперчӗ Фарида Садыкова каланӑ тӑрӑх, конкурсантсене интереслӗ заданисем нумай кӗтеҫҫӗ.
– Унта хутшӑнакансен чечексем лартмалла, ӳсентӑрансем, габионсем лартмалла (чулпа тултарнӑ контейнерсем), ҫулсем, йывӑҫ конструкцисем, мощени тумалла. Жюри Пӗтӗм тӗнчери Стандартсем тӑрӑх WorldSkills - тӑршшӗне, сарлакӑшне, пахалӑхне тата мӗнпур ландшафт ӗҫӗсене пурнӑҫламалли хӑвӑртлӑхне хак парĕ. Ҫитӗннӗ командӑн программи юниорсеннинчен кӑткӑсрах, – палӑртрӗ Фарида Садыкова.
Çăлкуçĕ: ПР Правительстви.