Пушкӑртстанри ҫамрӑксен ултӑ проекчӗ «iВолга»форумра грант выляса илнĕ

Федерацин Атӑлҫи округӗнчи «iВолга» тӗп форумĕ хăйĕн ĕçне вӗҫлерӗ. Форумӑн вӗренӳ программи хупас церемонийӗ пекех онлайн-форматра иртнӗ.

Граждансен обществин институчӗсене аталантарма пулӑшмалли Фонд проекчӗсем тăрăх Грант конкурсĕн пӗтӗмлетӗвӗсемпе Пушкӑртстанри ултă проект 1 115 000 тенкӗлĕх калӑпӑшпа грантсем илнĕ.

Форума хупнӑ церемони хыҫҫӑн Патшалӑх комитечӗн ҫуртӗнче Пушкӑртстанри форумӑн резиденчӗсен тӗлпулӑвӗ пулнă, унта ПР правительствин вице-премьерӗ Ирек Сагитов ҫӗнтерӳҫӗсене саламланă.

— Грант илнине пӗлсен пуҫра «Урра, эпир хамӑр проекта малалла аталантарма пултаратпӑр!» текен шухӑш кӑна пурччӗ. Ҫавӑнпа та «iВолга» маншӑн, чӑн малтанах, хӑйӗн ӑсталӑхне аталантарни, наука проекчӗсемпе вӗренӳ программине аталантарни. Онлайн-форум тулăх программăллă пулчӗ, эпӗ тепӗр ҫулхине офлайн-тӗлпулӑва чӑтӑмсӑррӑн кӗтетӗп, — пӗлтерчӗ Пушкӑртстанри грант конкурс ҫӗнтерӳҫи Камилла Чувашаева.

«iВолга» форумра Камилла нефтьпе вараланнă ландшафтсене юсамалли майсене тӗпчеве халалланӑ проекта тăратнӑ, ҫав проект 115 000 тенкӗ выляса илнĕ.

Форумра пӗтӗмпе Пушкӑртстанри 1 300 ытла ҫынна регистрациленӗ, вӗсенчен 300 ытларахăшĕ «iВолга» вӗренӳ программин резиденчĕсем пек хутшӑннӑ.

 «МГ» информацийĕпе.