WorldSkills Russia – 2021 нацфинал пĕрремĕш кунĕ: «вӗҫев» йӗркеллӗ

Ачасем событисем ӑшне путрӗҫ те ĕмĕр манăçми хавхалану илчĕç.

Александра Бутакова Архангельск облаҫĕнчен килнĕ. Паян «Медицинский и социальный уход» компетенцин финал ӑмӑртӑвӗсене хутшӑннă.

– Легендӑпа, пациентӑн эпилепси чирӗ пуҫланнӑ, ӑна васкавлӑ пулӑшу панӑ. Пӗрремӗш «икерчӗ» ăнса пиçрĕ, халӗ акӑ ыран та, виҫмине те пуласса кӗтетпӗр. Хастар шухӑш-кӑмӑл! — каласа пачӗ хутшӑнакан.

Крымри Полина Воронина «Отельсене администрацилени» компетенцире регионăн пӗртен-пӗр представителӗ. Унпа пӗрле Финал площадкине Раҫҫейри тӗрлӗ регионтан тата сакӑр ҫын тухрӗҫ.

– Хальлӗхе икӗ модуль пулчĕ сăмах вĕççĕн тата ҫырулла. Ку вӑл хăнасемпе – вырӑсла та, акӑлчанла та калаçни. Кунта корреспонденцисене туса хатӗрлесси, заявкӑсем йышăнасси, номере вырнаçтарасси, броньӑласси тата ӳпкелешнипе ӗҫлесси те кӗрет.

Финал вӗҫлениччен конкурсантсем пӗр е тепӗр ӗҫшӗн мӗн чухлӗ балл ӗҫлесе илнине пӗлмӗҫ.

– Ҫапла вара интрига упранать, вӑл касать, вӑйсӑрланма памасть, — тет крымчанка. — Манпа тупӑшакансем, вӗсем ман туссем вӗт, вӗсемпе хутшӑнма интереслӗ, пӗр-пӗринчен опыт йышӑнатпӑр. WorldSkills пӗрремӗш кунĕ тулăх иртрӗ. Ахӑртнех, кун пек лару-тăру чемпионат пӗтичченех пулӗ.

Михаил Фарафонов — «Çăксене экспедицилесси» компетенци финалисчӗ Липецк облаҫĕнчен.

— Паян интерактив пулчӗ. Клиентран «ҫӑхав» килнипе ĕçлерĕмĕр. Ӑна «лӑплантармалла», урӑхла каласан, пӗрлехи «знаменатель» патне пымаллаччĕ. Иккӗмӗш модулӗн заданийӗ презентаци туса клиента пулӑшăва «сутмалла» пулнӑ.

Михаил каланӑ тӑрӑх, вӑл ҫавна тума хатӗрленнӗ пулин те, паян питӗ йывӑр пулнӑ.

— Анчах та темле кӑткӑс та ӑнланмалла мар япала пулнӑ самантсем пулкаларӗҫ. Хӑш чухне пӑркаланма тивет. Пӗтӗмӗшле илсен, пурте килӗшрӗ, «вĕçев» йӗркеллӗ.

#WorldSkillsRussia #Нацфинал2021 #НацфиналУфа.