Евгения — тăрăшуллă хĕр тата шанчăклă юлташ

Хушăлкари Евгения Никитина вĕренме юратнине пытармасть.

Евгения Никитина — Хушăлкари вӑтам шкулти тӑватӑ медалисткăсенчен пӗри. Евгения вырӑс чӗлхипе 94 балл, физикӑпа — 89, математикӑпа — 78, обществознанипе — 72 балл пухнӑ. Хӗр класпа шкул пурнӑҫӗнче хастар хутшӑннă, ҫавӑнпа та ачасем ӑна староста пулма суйланă. Шкулта хӗр волонтер пулнӑ, баскетбол командинче вылянă. Евгения — тӗрлӗ конкурссемпе олимпиадӑсене хутшӑнакан хастар ҫын. Район, республика тата Пӗтӗм Раҫҫейри шайра малти вырӑнсене пӗрре мар йышӑннӑ.

— Эпӗ чӑнах та вӗренме юрататӑп, ҫӗнӗ пӗлӳ илесси мана хама та кӑмӑллӑ, йывăртарах самантсенче вĕренни мӗн тума кирлине асра тытма тӑрӑшрăм. Хама яланах пулӑшса тӑракан ҫемьене тав тӑватӑп, вĕрентекенсемпе наставниксене тавтапуç, уйрӑммӑн илсен, «Малашлӑха утӑм» кружока ертсе пыракан Владимир Борисович Петрова, — каласа парать медалистка.

Тăрăшуллă хĕр спорт тӗсӗсемпе кӑсӑкланать, анчах баскетбол унта уйрӑм вырăн йышăнать. Кӗнеке вулама юратать. Хӑйӗн професси ҫулне суйласа илнĕ — вӑл УГНТУ архитектурăпа строительство факультечӗн студенчӗ пулса тăма палӑртнӑ ӗнтӗ.

— Евгения ҫирӗп тӗллевлӗ, пуян тавракурăмлă, тӑрӑшуллӑ хĕр. Ырӑ кӑмӑллӑ, пысăк чĕреллĕ, ӑслӑ-тӑнлӑ ҫын. Евгения, унпа пӗр класра вӗренекенсем пекех, ГТО нормисене ылтӑн значока парать. Унӑн пур тивĕçĕсемпе лайăх енĕсене те каласа тухма кунта вырăн çитмест. Тӑрӑшакан хӗр, шанчӑклӑ тус. Пирӗн пуласлӑх шанчӑклӑ алӑра пулӗ тетӗп. Кăçал шкул пĕтерекенсем лайӑх шанчӑç параҫҫӗ. Ку пирӗн ылтӑн кӑларӑм, пӗрремӗш учительници вара, шӑп та шай ӗҫченлӗхе хăнăхтарнӑскер, Любовь Иосифовна Борисова улнӑ, ӑна ашшӗ-амӑшӗпе ачасен ятĕнчен пысӑк тав, — каласа парать Хушăлкари вӑтам шкул директорĕн воспитани енĕпе ӗҫлекен заместителĕ Ираида Степанова.

Карина ПАВЛОВА.

Сăнÿкерчĕкĕ: Евгения Никитинан çемье архивĕнчен.

Тĕплĕнрех «Светлый путь» хаçатра вулăр.