Яланах хӑйӗн тӗллевне пурнӑҫлать

Хушăлкари ылтӑн медалистка Алена Степанова хӑйне лайӑх кӑтартусем тума пулӑшакансене пурне те тав тӑвать.

Медалисткăн ашшӗпе амӑшӗ Хушăлкари вӑтам шкулта вӑй хураççĕ. Андрей Анатольевич — физика, математика, астрономи, информатика учителӗ, Ираида Георгиевна — шкул директорĕн воспитани ӗҫӗн заместителĕ, чӑваш чӗлхипе литература учителӗ. Алена хӑйне ашшӗ-амӑшӗ тивӗҫлипе пӑхса ӳстернӗ тесе шутлать. Кирек мĕнле лару-тăрура та çын пулса юлма, ҫынсене пулӑшма, ырӑ пулма, тӗллевсем лартма вӗрентнӗ.

— Пуринчен ытла химишӗн хӑраттӑм, анчах кайран репетиторпа занятисем хыҫҫӑн мана хими килӗшнӗ пек те туйӑнчӗ. Февраль уйӑхӗнче ку предметпа репетиторпа занятисем пуҫланчӗҫ. ППЭ хӑй тӗллӗн хатӗрленнисӗр пуҫне шкулти учительсемпе пӗрле те пĕлÿ пухрăм, вӗсене пысӑк тав. Пире пĕлÿ пама ҫав тери тăрăшнăшӑн тавтапуҫ. Ҫавӑн пекех атте-аннене, асаннене тата ҫывӑх хурӑнташсене чĕререн тав тунине кӑтартас тетӗп, — каласа парать Алена.

Хӗр мӗн пуҫламӑшӗнчех пурте лайӑх пуласса ӗненнӗ. Ҫапла пулчӗ те. Шкулти занятисемсӗр пуҫне Алена онлайн шкулӗнче «Умскул» хатӗрленнӗ. Алена яланах пурне те ӗлкӗрейменнине йышӑнать, мӗншӗн тесен çул çÿрес енӗпе экзаменсене хатĕрленнĕ, шкул пурнӑҫӗпе ялти общество пурнӑҫӗнче те хастар хутшӑннӑ, тӗрлӗ акцисен пуҫаруçи пулнă тата хутшӑннӑ: "Ырӑ ӗҫсем", "Хӗрхенӳ", "Ветеранӑн саламӗ". Вӑл тӗрлӗ енлӗ ҫын: сӑвӑсем, сочиненисем ҫырать, районти, республика тата федераци шайӗнчи пултарулӑх конкурсӗсене, вулакансен конкурсӗсене, олимпиадӑсене хутшăнать, чылайӑшӗнче ҫӗнтерӳҫӗ пулса тӑнӑ. Ҫак кӑтартусемшӗн вăл 2014-2015 вӗренӳ ҫулӗнче И.Р. Гимаев ячĕллĕ гранта тивĕçлĕ пулнă. Тата Алена чӗрне сервисĕн ӑсти.

— Пуринчен ытла каҫсерен уҫӑлса ҫӳреме юрататӑп, анимепе, нарутопа интересленетӗп. Эпӗ УГНТУри технологи факультетне кӗтӗм. Хам сферӑра лайӑх специалист пулма ӗмӗтленетӗп, — каласа парать Алена.

— Алена активлӑ вӗренекен. Хӗр Хушăлкара пурӑнакан асламӑшӗсен пӗрремӗш пулăшаканӗ, вĕсене питӗ тимлӗн пӑхать, — теҫҫӗ ун ҫинчен шкулта.

Карина ПАВЛОВА.

Сăнÿкерчĕкĕ: Алена Степанован çемье архивĕнчен.

Тĕплĕнрех «Светлый путь» хаçатра вулăр.