Виçĕ кунлăх ăмăрту пуçланнă

Пишпÿлекри ача-пăча творчество центрĕнче ачасем роботсене программăлама вĕренеççĕ.

Ҫамрӑк тӗпчевҫӗсем роботсен кӑсӑклӑ тӗнчине кӗрсе роботсене пысӑк ӗҫ-хӗле пурнӑҫлама май паракан информаци технологийӗсен кӑткӑс хутлӑхне кӗрсе каяҫҫӗ. Робототехника пӗлӗвне ӑнӑҫлӑн алла илмелли фактор ӑмӑртусен кӑтартӑвӗсем пулса тӑраҫҫӗ. Ачасен кирлӗ пӗлӳпе хӑнӑху кӑна мар, командӑра ӗҫлеме те пӗлмелле, улшӑнакан условисене пӑхӑнса тӑмалла, стресс лару-тӑрӑвӗсенче хӑйсен пӗлӗвӗпе практикӑра усӑ курма хăнăхмалла.

Тӑватӑ команда — Лего, Ҫӗнтерӳ, Суроксем, Электриксем виҫӗ кунлӑх ӑмӑртура явӑҫнă. Малтанхи кун вӗсем хӑвӑртлӑха ӳстерес енӗпе ӗҫлеҫҫӗ. Командӑсем иккӗмӗш кунӗнче роботсене программӑлама тытӑнӗҫ. Виҫҫӗмӗш кунне ӑмӑрту хӑй иртет. Ачасене кӑсӑкланса сӑнӑпӑр, хавхалантарӑпӑр, ҫитӗнӳсем сунăпăр!

Сăнÿкерчĕкĕ: Пишпÿлекри ача-пăча творчество центрĕн социаллă сетьри страницинчен.