Вырăнти фермер Каминке ачисемшĕн Хĕл Мучи пулса тăнă

Ҫӗнӗ ҫул умӗн ҫирӗм ҫичӗ ача парнесемпе пылак çимĕçсем илнӗ.

Каминкери шкул ҫулне ҫитмен ачасен тата кӗҫӗн классенче вӗренекенсен сӑн-пичӗсем юмахри пек кӑмӑллӑ та телейлӗ кулăпа çуталчĕ. Ырӑ асамҫӑ пӗлтӗрхи пекех хресчен (фермер) хуҫалӑхӗн пуҫлӑхӗ Анатолий Трофимов уйрӑм предприниматель пулса тӑчӗ. Ҫирӗм ҫичӗ ача ҫӗнӗ ҫул умӗн парнесемпе пылак япаласем илчӗҫ.

— Ку парнесенче сирӗн тимлӗх, чун ӑшши тата пирӗн ачасене савӑнтарас кӑмӑл вырнаҫрӗ. Эсир вӗсене ӑшӑпа ырӑ кулла пӗр пайӑрка парнелерӗр. Ҫакӑн пек ҫынсем пур-ҫке-ха, питӗ лайӑх. Эсир тунӑ ырӑ ӗҫсем сирӗншӗн ырӑ пулӗҫ, — ашшӗ-амӑшӗн ячӗпе тав турӗ Елена Платонова.

— Ачасене чун ӑшшине парасси, вӗсене уяв парнелесси, вӗсен куҫӗсенче ырӑпа ӗненӳ вутне курни — нимпе танлаштарайми ырлăх. Ырӑ ӗҫсем тума тата ҫавӑн пек чун-чӗререн туйӑмсем, хавхалануллӑ та савӑнӑҫлӑ туйӑмсем илме питӗ кӑмӑллӑ, — каласа парать Анатолий Петрович.

Ҫакӑн пек акцисем ачасене кӑна мар, аслисене те кирлӗ. Ачасен телейлӗ куҫӗсене, вӗсен куллине курсан чун та ӑшӑрах пулать. Мӗншӗн тесен ҫыннӑн пуянлӑхӗ пурлӑх мар, уҫӑ кӑмӑллӑ пулни тата ыттисене парне пама хатӗр пулни.

Ирина ШИШКИНА,

Каминке ялĕ.

Сăнÿкерчĕкĕ: Ирина ШИШКИНА.