Ачасем шкул темипе шÿтлерĕç

КВН "Дневниковый период или тень знаний"-2022 темăпа иртнĕ.

Пишпÿлекри Культура керменӗнче, Пушкин картти программин шайӗнче, шкул темине халалланӑ КВН вӑййи савӑнӑҫлӑн иртрӗ. Пишпӳлекри 1-мĕш вӑтам шкулти "Бэбры" команда, Кăрканти «Ритм» тата Пишпÿлекри 2-мĕш вӑтам шкулти "Ля-ля-тополя" команда чаплă  шӳтсемпе савăнтарчĕç. Тӑхтавсенче конкурссем хушшинче Елена Давыдова кӑсӑклану ирттерчӗ. Командӑсем пурте заданисене пурнӑҫларӗҫ. Вӑйӑ яр-уҫҫӑн та интереслӗ пулса тухрӗ. Жюри пӗтӗмлетӗвӗсем тӑрӑх вырӑнсем ҫакӑн пек пайланчӗҫ:

1-мĕш вырӑн — Кăрканти "Ритм" команда,

2-мӗш вырӑн — Пишпӳлекри 1-мĕш вăтам шкулти «Бэбры» команда,

3-мĕш вырӑн — Пишпӳлекри 2-мĕш вăтам шкулти «Ля-ля-тополя» команда.

Ачасене пурне те вӗренӳре малашнехи ҫитӗнӳсем сунатпӑр!

Сăнÿкерчĕкĕсем: уçă çăлкуçсенчен.