Пушкӑрт ҫамрӑк аграрийӗсем 500 пиншер тенкӗ илӗҫ

Республикăри АПК кадр вӑй-хӑватне 30 миллион ытла тенкĕ патшалӑх пулӑшӑвӗ уйӑрнӑ, пӗлтерет ПР правительствин пресс-служби.

Регионти Ялхуçалăх министерствинче Пушкăртстан агропромышленноҫ комплексӗн кадр вӑй-хӑватне пулӑшмалли программа шайӗнче пулӑшу илекенсен суйлавне вӗҫленӗ. Конкурса ял хуҫалӑхӗн 78 ҫамрӑк специалисчӗ хутшӑннӑ. Вӗсенчен 53-шӗ суйлава иртнӗ. Вӗсем пурте республика агрокомплекс предприятийӗсенче специалистсем пулса вӑй хураҫҫӗ, вара, ку эрнере, регионти бюджетран 500 пиншер тенкӗ (алла) илӗҫ.

— Республикӑн техника тата технологи тӗлӗшӗнчен пуянланса пыракан ял хуҫалӑхне квалификациллӗ специалистсем кирлӗ, — терӗ ПР правительствин премьер-министрӗн ҫумӗ Ильшат Фазрахманов. — Шел пулин те, ҫамрӑксем ялтан хулана каймалли йӑли-йӗркине чарма йывӑр.

"Подъемнӑйсене" пӗтӗмпе вӑтам професси пӗлӗвӗллĕ 12 ҫамрӑк специалист, 41-шӗ — аслӑ пĕлÿ илнĕ специалист илӗҫ. Патшалӑх пулӑшӑвӗ илнисенчен чи ҫамрӑкки 20 ҫулта, чи асли — 35 ҫулта.

https://resbash.ru/news/ekonomika/2022-02-02/molodye-agrarii-bashkirii-poluchat-po-500-tysyach-rubley-2677689