Çамрӑксен кунӗнче чуна ҫавӑрса илекен интереслӗ автоквест иртрӗ

Автоквеста 10 команда хутшӑнчӗ: "Экстремалы" (Аит ял совечĕ), "Уххх" (Пăслăк ял совечĕ), "Стройные ножки" (Пишпÿлек), "Неудержимые" (Биккул ял совечĕ), "Адреналин" (Кăркан), "Демичи" (Демский), "Позитив" (Калинин ял совечĕ), "У руля" (Пишпÿлек), "Гоги" (Йăлпăлактамак), "Квартет" (Пишпÿлек).

Автоквест тăхăр станцирен тӑнă: "Дома буквы", "Звуки автомобиля", "Внедорожник", "Шифровка", "All right!", "5 дорог", "Госномер", "Метаграммы", "Изобретатели". Кашни станцӑрах командӑсене судья кӗтсе илнӗ, вӗсене задание тӗрлӗ шайра панă.

Командăсем хӑюлӑхне, ҫивӗчлӗхне тата тавҫӑрулӑхне кӑтартса, пур станцисем те ӑнӑҫлӑн иртрӗҫ.

Мӗнпур станцисем тăрăх ҫӳресе тухнӑ пӗтӗмлетӳсем тӑрӑх вырӑнсем ҫакӑн пек палӑрнӑ: 1-мĕш вырăнта —"Квартет", 2-мĕш вырăнта — "Экстремалы", 3-мĕш вырăнта — "Стройные ножки".

Пишплекри çамрăксен «Вектор» центрĕн социаллă сетьри страницинчен.