Ачасем хӑйсен "Туслăх кодексне" тума шутланă

Ача-пӑча пултарулӑх центрӗнчи "Искорка" ушкӑнра "ылтӑн правило" "Ыттисемпе эсӗ хӑвна мӗн тӑвас тенӗ, ҫавна ту" темӑпа воспитани мероприятийӗсем иртнӗ - Андерсенăн "Гадкий утенок" юмахӗнчи лару-тӑрӑва сӳтсе явнинчен тытӑннă, "Травля", "Буллинг" тата "Мобинг" ӑнлавсене сӳтсе явнă тата теорине ҫирӗплетнĕ.
Ачасем тема тӑвӑллӑн сӳтсе явнӑ хыҫҫӑн хӑйсен "Туслăх кодексне" тума шутланă, унта правилӑсем ҫырса хунă та ун айне алӑ пуснă.
Ҫак тема питӗ çивĕч пулнă, ачасем историсем каласа панă, хӑшпӗрисем хӑйсен айӑпне йышӑннă, халӗ ӗнтӗ ыттисем ҫине ырӑ кӑмӑллӑрах, чӑтӑмлӑрах пӑхнă, "ылтӑн правило" каланӑ пек тума тесе ҫирӗп шут тытнă.
Сăнÿкерчĕкĕсем: Пишпÿлекри ача-пӑча пултарулӑх центрӗн социаллă сетьри страницинчен.