Усăллă мастер-класс

"Эсӗ пултаратӑн" профориентацие аталантармалли Пӗтӗм Раҫҫейри программӑна пурнӑҫланӑ шайра Пишпÿлекри 2-мĕш вăтам шкулти 9в тата 9б классенче вӗренекенсем Пелепейри механизаципе электрификаци колледжĕн Пишпÿлекри филиалĕнче пулса курнă. Акцие хутшӑнакансем профессие кирлӗ специалистсен историйӗсемпе паллашнă, ӗҫ рынокӗн лару-тӑрӑвӗ тата унӑн аталанӑвӗн малашлӑхӗ ҫинчен информаци илнĕ. Асӑннӑ акци Пелепейри механизаципе электрификаци колледжĕн Пишпÿлекри филиалĕнчи тӗрлӗ профессисем ҫинчен вӗренекенсенче пĕлÿ йӗркеленӗ. Акци вӑхӑтӗнче вӗренекенсем виҫӗ мастер-класра пулнă. "Повар тата кондитер ӗҫĕ" пӗрремӗш мастер-класри хӗрачасем сӗт коктейлӗ технологипе паллашнă. "Электрооборудование юсас тата пулӑшас енӗпе ĕҫлекен мастер" иккӗмӗш класра ачасем электромонтер профессийӗ ҫинчен пӗлнĕ. Виҫҫӗмӗш мастер-класра ачасем "Пĕтĕмĕшле строительство ӗҫӗсен ăсти" профессипе паллашнă. Ачасем тӗрлӗ профессипе паллаштарнӑ преподавательсене, поварсене тутлӑ та вӗри кукӑльсемшӗн тав тунă.
#нацпроектыБашкортостан
#точкароста#бижбуляк2школ
Сăнÿкерчĕкĕсем: Пишпÿлекри 2-мĕш вăтам шкулăн социаллă сетьри страницинчен.