Ачаранах спортпа туслă

Йăлпăлакри Ирина Петрова пирки спортсменка, отличница тата илемпи тесе калама пулать.

Анатолий Мазгутовичпа София Маратовнан виçĕ ача, вĕсенчен кĕçĕнни — Ирина.

Мĕн ачаранах Ирина спортпа туслă, уйрăмах ăна волейбол илĕртет. Тен, çавăнпа та хальхи вăхăтра хĕр М.Акмулла ячĕллĕ Пушкăрт патшалăх педагогика университетĕнче пĕлÿ илет. Пишпÿлекри 2-мĕш вăтам шкулти волейбол командин йышне те кĕнĕ вăл хăй вăхăтĕнче. (Сăмах май каласан, шкула ылтăн медальпе пĕтернĕ пике). Ялти волейбол командинче ялан вылять.

Ирина пирĕн конкурс çĕнтерÿçи пулнине пĕлетĕр-ха, нумай пулмасть çĕнтерÿçĕн парнине патăмăр ăна. Сире те тепрехинче çавнашкал конкурссене хутшăнма чĕнетпĕр.

Сăнÿкерчĕкĕсем: Ирина Петрован çемье архивĕнчен.