"Çулталӑк пионерӗ" пултарулӑх конкурсӗ иртнӗ

Вӗренекенсене аталантарас, вӗсен лидер вӑй-хӑватне актуализацилессине вăйлатас, активлӑ пурнӑҫ позицине йӗркелес тӗллевпе Пишпÿлекри Ача-пăча пултарулӑх центрӗнче районти "Çулталӑк пионерӗ" пултарулӑх конкурсӗ иртнӗ.

Район администраци пуҫлӑхӗн социаллӑ ыйтусемпе кадрсем енӗпе ӗҫлекен заместителӗ Алексей Александрович Данилов пурне те саламланă. Вӑл хутшӑнакансене ӑнӑҫу тата ҫӗнтерӳ суннă.

Конкурса районти пӗтӗмӗшле пӗлӳ паракан шкулсенчен пилӗк пионер хутшӑннӑ. Хутшӑнакансен виçĕ тапхӑр иртмелле: "Малашлӑх лидерӗ" пултарулӑх презентацийӗ, "Пĕчĕк Тӑван çӗршыв страницисем тӑрӑх" эрудитсен турнирĕ тата "Тӑван çӗршыв ырлӑхӗшӗн ĕҫ тума хатӗр пулатпӑр" видеороликсен конкурсӗ.

Хутшӑнакансем пурте тивӗҫлипе тухса каланă. Конкурссен пĕтĕмлетĕвĕсем тăрăх çĕнтерÿçĕсем ҫакӑн пек вырăнсем йышăннă:

Пишпÿлекри 1-мĕш вăтам шкулти Полина Макарова 1-мĕш вырӑн йышӑннă, 2-мĕш вырӑнта — Пишпÿлекри 3-мĕш вăтам шкулти Сабина Яхина, 3-мĕш вырӑнта — Хушăлкари вăтам шкулти Анна Григорьева. Хутшӑнакансене пурне те Хисеп грамотисемпе тата асӑнмалӑх парнесемпе наградӑланӑ.

#ПионерыБашкортостана
#БижбулякскийРайон
#Бижбуляк

Сăнÿкерчĕкĕсем: Пишпÿлекри çамрăксен «Вектор» центрĕн социаллă сетьри страницинчен.