Хӗвеллӗ кунсене кӗтсе илме!

Ҫулла – вӑйӑсемпе йӑпану вӑхӑчӗ, вӗренӳ ҫулӗнче пухӑнса ҫитнӗ йывăрлăхсенчен хăтăласси, сывлӑха юсасси. Июнӗн 7-мӗшӗнче Пишпÿлекри 3-мĕш вăтам шкулта "Радуга" кăнтăрла пулмалли сывлӑх лагерь уҫӑлнă. Ачасем праҫник атмосферине пуҫӗпех путса чӑн-чӑн тӗлӗнмелле ӗҫсене хутшӑннӑ тапхӑр ку. Лагерь сменин тулăх программи вӗренекенсен асĕнче нумайлӑха юлӗ, мӗншӗн тесен позитивлӑ эмоцисем нумай парнелĕ. Ачасене тӗлӗнмелле мыскарасем, манӑҫми тӗлпулусем, тӗлӗнмелле тӗрӗслевсем кӗтеҫҫӗ.

Ҫулла — тӗлӗнмелле вӑхӑт! Уйрӑмах, кашни кун интереслӗ событисемпе тулли, хӑйӗн тусӗсемпе пӗрле пулсан. Ҫуллахи каникулран ытларах ачасемпе ҫитӗннисемшӗн телейлӗ вӑхӑт ҫук пулӗ. Ачасене кӑсӑклӑрах, туллирех, ача-пӑча ÿт-пÿ, ӑс-хакӑл тата экологи аталанӑвӗшӗн усӑллӑрах кану тума шкулти ҫуллахи лагерь программи палӑртнӑ. Пирӗн шкул территорийӗнче иртенпех музыка янӑрать, ача-пӑча кулли илтĕнет. Воспитательсемпе пӗрле ачасем отряд ячӗсене, девизсене шухӑшласа кӑларнӑ, хӑйсен отряд кӗтесӗсене йӗркеленӗ.

Сăнÿкерчĕкĕсем: Пишпÿлекри 3-мĕш вăтам шкулăн социаллă сетьри страницичен.

https://vk.com/club206548118