Радий Хабиров "Йыйын молодёжи" форумне хутшӑннӑ

Аслӑ мероприяти Бурзян районӗнчи Старосубхангуловăра иртнӗ.
Пушкӑрт Пуҫлӑхӗ хӑйӗн саламлӑ сӑмахӗнче паянхи ҫамрӑксем - чи лайӑх, ӑслӑ, ҫутӑ, тӗллевлӗ тесе каланӑ. Радий Хабиров шӑпах ҫамрӑк ҫынсем - Раҫҫейпе Пушкӑрт тӗрекӗ пулнине палӑртнă.

Раҫҫей президенчӗн ПФОри полномочиллӗ представителӗн ҫумӗ Олег Машковцев форум кун йĕркине пысӑк шайра йĕркеленине тата актуаллӑхне палӑртнă. Вӑл каланӑ тӑрӑх, Пушкӑртстан – федерацин Атӑлҫи округӗн ҫамрӑксен шучӗпе лидер пулса тăрать. glavarb.ru палӑртнӑ тӑрӑх регионта ҫамрӑксен политики вӑйлӑ, ачасене ӳстерме лайӑх условисем пур.

Интереслĕ, Радий Хабировпа Олег Машковцев самолетсен йывӑҫ моделӗсене пухас тата хута ярас тӗлӗшпе команда квестне хутшӑннă. Унтан вӗсем вӗренӳ заведенийӗсен студенчӗсен - мероприятие хутшӑнакансен ыйтӑвӗсене хуравланӑ.
https://mgazeta.com/news/novosti/2023-08-24/radiy-habirov-prinyal-uchastie-v-forume-yyyyn-molodyozhi-3402180