Пӗтӗм тӗнчери ҫамрӑксен фестивальне-2024 хупмалли церемонинче Владимир Путин тухса каланӑ

#владимирпутин
Мероприятие Сириусри Олимп паркӗнчи "Большой" спорт керменӗнче ирттернӗ.
Пӗтӗм тӗнчери ҫамрӑксен фестивальне хупмалли церемоние хутшӑнакансем умĕнче Раҫҫей Президенчӗ Владимир Путин тухса каланă. Вӑл мероприяти йӗркелекенсем умӗнче мӗнле задачӑсем тӑнине каласа панă.
- Эпир сире ирӗклӗх, пултарулӑх, туслӑх условийӗсем туса парасшӑнччӗ, вӗсем сире пӗр-пӗринпе хутшӑнма, ҫӗнӗ туссем, тен, сирӗн пулас проектсем валли ӗҫтешсем тупма май парӗҫ, - тенӗ патшалăх Пуҫлӑхӗ. - Эпӗ сире ҫакна пӗлтересшӗн: халӗ пӗтӗм Раççей сирӗн тус. Сирӗншӗн, сирӗн ырӑ пуҫарусемшӗн пирӗн яланах алӑксем уҫӑ.
Владимир Путин ҫынсем хӑйсем ҫуралнӑранпа пурте пӗр тан пулнине палӑртнă. Пӗтӗм тӗнчери ҫамрӑксем нумайччен алӑ ҫупса "Россия!" тесе кăшкăрнă.

Сӑнӳкерчӗкĕ: ВМФ-2024.
https://mgazeta.com/news/novosti/2024-03-07/na-tseremonii-zakrytiya-vfm-2024-vystupil-vladimir-putin-3672701