Пушкӑрт Пуҫлӑхӗ ҫамрӑксемпе волонтерсене пулӑшас енӗпе Канаш тунӑ

Пушкӑртстан Республикинче ҫамрӑксен политикине пурнӑҫлас тата волонтерствӑна аталантарас енӗпе Пушкӑрт Республика Пуҫлӑхӗ ҫумӗнче Координаци канашӗ йӗркеленӗ. Тивӗҫлӗ указ ПР право информацийӗн официаллӑ интернет-порталӗнче пичетленсе тухнӑ.
Документра ҫапла каланӑ: координаци канашӗ – Пушкӑртстанри патшалӑх органӗсемпе вырӑнти хӑй тытӑмлӑх органӗсем пӗр-пӗринпе ҫыхӑнса ӗҫлессине тата ҫамрӑксен политикине пурнӑҫламалли стратегилле ыйтусене татса парас, ҫамрӑксемпе доброволецсен аталанӑвӗн приоритетлӑ ҫул-йӗрӗсене йӗркелес ӗҫе хутшӑнакан яланах ӗҫлекен канаш органӗ. Кунсӑр пуҫне ку сферӑри обществӑлла пӗрлешӳсемпе организацисене задачӑсене татса парас ӗҫе явӑҫтарасси тӗллев тӑрать.
Функцисене илес пулсан, Канаш ҫамрӑксен политикин сферинче мероприятисем ирттермелли тытӑмлӑхпа комплекслӑха тивӗҫтерет, асӑннӑ сферӑра аталанупа ҫыхӑннӑ ыйтусене экспертсемпе специалистсене явӑҫтарма, общественность хӑйӗн ӗҫӗ ҫинчен пӗлтерме пулӑшать. Ҫавӑн пекех Канаш доброволецсен организацисемпе волонтерсем кирлӗ условисене йӗркелеме пулӑшать.
Канаша Пушкӑрт Республикин Пуҫлӑхӗ Радий Хабиров ертсе пырĕ.
Сӑнӳкерчӗкĕ: Олег Яровиков.
https://www.bashinform.ru/news/social/2024-07-04/glava-bashkiri-podpisal-ukaz-o-sozdanii-soveta-po-podderzhke-molodyozhi-i-volontyorov-3835520