Ҫӗршывпа республика пуласлӑхӗ шанчӑклӑ алӑра

Тутар культурин "Пӗлӳ тӗлӗнтермӗшӗ" ҫамрӑксен форумӗнче пӗтӗм республикинчен пухăннă ҫамрӑк ҫынсем пĕр-пĕрин опычӗпе паллашнӑ.

Сентябрӗн 3-мӗшӗнче Уфара "Торатау" конгресс-холра тутар культурин "Пӗлӳ тӗлӗнтермӗшӗ" ("Белем могҗизалары") ҫамрӑксен форумӗ иртнӗ. Мероприятире республикӑн 52 районне тӑратнӑ. Форумӑн тӗп тӗллевӗ - ҫамрӑксене пӗрлештересси, тӗрлӗ обществӑлла организацисен хутшӑнӑвӗсене ҫирӗплетесси. Форумра ҫамрӑксене наци ҫамрӑкӗсен организацийӗсен представителӗсенчен, ӑс-хакӑлпа кӑмӑл-сипет тата патриотла воспитани парас, чӗлхене упраса хӑварас ӗҫри пӗлтерӗшлӗ темӑсем пулса тӑнă.

Ҫамрӑксен политикин патшалӑх комитечӗ пулас ҫӗршыва йӗркелес ӗҫре пысӑк вырӑн йышӑнать, ҫамрӑксен вӑй-хӑватне пулӑшса, аталантарса пырать. Пӗтӗм республикӑри ҫӗр ҫамрӑк ҫынна яхӑн пӗр-пӗринпе паллашма тата хӑйсен опычӗ пирки каласа пама пухӑннӑ. Пирӗн районпа район Совечӗн депутачӗ, ПР предпринимательлӗх тата туризм министерствин обществӑлла канашӗн членӗ Газиз Сирев, "Пишпÿлекри Райпо" ПК совечӗн председателӗ, район Совечӗн депутачӗ Ринат Гареев паллаштарнă.

Вӗренӳ программи шайӗнче форума хутшӑнакансем "Тӑван Пушкӑрт" тата "Гражданин" темӑсене сӳтсе явнӑ, ҫавӑн пекех мастер-классене хутшӑннӑ. Вӗсем ҫавӑн пекех Пушкӑрт Республикинчи ҫамрӑксене хӑйсене хӑйсем аталантармалли, ĕçлемелли майсене сӳтсе явнӑ. Хутшӑнакансен шучӗпе, форум программи питӗ хастар та тулăх пулнă. Газиз Рифкатович "Проекта туса хатӗрлемелли никӗссем" тата "Хальхи медиатрендсем" мастер-классене пысӑка хурса хакланӑ.

— Пирӗн Пишпÿлек районӗнче питӗ хастар ҫамрӑксем, эпир акатуйсем, тутар чӗлхипе культурине упраса хӑварма палӑртнӑ мероприятисем ирттеретпӗр. Эпӗ те спонсор пулӑшӑвӗ паратӑп. Хаваспах хамăн ĕçсем çинчен каласа патăм, - палӑртнă форума хутшӑннӑ Сираев.

Пушкӑрт Республикинчи ҫамрӑксен политики енӗпе ӗҫлекен патшалӑх комитечӗ Газиз Рифкатовича "Пушкӑрт Республикинче ҫамрӑксен проекчӗсене хастарлӑ пурнӑҫлама хутшӑннӑшӑн" Тав ҫырӑвӗпе чысланă.

Форума Пушкӑртстанри тутарсен конгресӗ тата республикӑри ҫамрӑксен политикин комитечӗ йӗркеленӗ. Тематика площадкисене йӗркелес ӗҫе хутшӑнакансен сӗнӗвӗсене шута илнӗ, спикерсем вырӑнне тӗрлӗ сферӑри экспертсене чӗннӗ.

Неля САБАХОВА.

Сӑнӳкерчӗкĕ: Газиз Сираевăн архивӗнчен.