Çутă çул
+25 °С
Пӗлӗтлӗ
Пур хыпар та
Апачĕ тутлă пултăр
1 Июлӗн 2019, 11:52

ТĂВАРЛАНĂ ХĂЯР

Хăяра хăвăрт тата типĕлле тăварлатпăр.

Хатĕрлемелли вăхăт: 2 сехет.

Калорилĕх: порцинче 28 ккал.


6 порцине кирлĕ: 1 кг хăяр, ыхран 3 шăлĕ, 1 апат кашăкĕ шултра тăвар, пĕр тăплăм укроп.


Çимĕçе çăватпăр, вĕçĕсене касса пăрахатпăр, тăватă пая тăрăхла касатпăр (ваккисене çурмалла касма пулать). Хулăн полиэтилен пакета (икĕ хутлă пулсан лайăхрах, пĕр-пĕрин ăшне чиксе) хуратпăр, тăвар, вĕтетнĕ ыхра тата укроп хушатпăр. Çыхатпăр та, çимĕçсем сĕткен кăларма, тăвар ирĕлме, темиçе минут силлетпĕр.


Икĕ сехетлĕхе пÿлĕмри температурăра хăваратпăр, вăхăт-вăхăт силлесе пăтрататпăр. Çак вăхăтра хăяр çителĕклĕ чухлĕ тăварланать, ăна тутанса пăхма пулать.
Читайте нас: