ТĂВАРЛАНĂ КУПĂСТА

Опытлă кил хуçи арăмĕсем палăрмалла сивĕтнĕ хыççăн малалли икĕ эрне хушшинче купăста касмалли тата

тăварламалли çинчен пĕлеççĕ. Хальхи вăхăтра килте хатĕрленĕ çавăн пек апат-çимĕç калăпăшĕсем палăрмалла кемрĕç. Кăлăхах! Тăварланă купăстара сиплĕхлĕ тата тутлăхлă япаласем пурте тенĕ пек сыхланса юлаççĕ.

Купăста солянки

3 кг купăста, 2 кг сухан, 2 кг кишĕр, 2 кг помидор, 2 апат кашăкĕ тăвар, 0,5 литр тип çу, 1 апат

кашăкĕ сахăр.

Купăстана тасатмалла, турамалла. Сухана çурма çаврашкасем туса вакламалла, помидора - пайсене. Кишĕре

шултра теркăпа хырмалла. Пахчаçимĕçе кастрюле ямалла, çупа, тăварпа тата сахăрпа пăтратмалла. Питĕ пĕчĕк çулăм çинче икĕ сехет тăршшĕне пăшăхласа пĕçермелле. Пиçсе çитес умĕн 1 апат кашăкĕ уксус, лавр çулçи тата темиçе пĕрчĕ хура пăрăç хушмалла. Купăста солянкине вĕрилле банкăсене тултармалла, тимĕр хупăлчапа хупмалла. Питĕ тутлă закуска пулать!

Питĕ хăвăрт ĕлкĕрекен маринадланă купăста

Çунă 3 литрлă банка тĕпне 3-4 шт. гвоздика, 2 лавр çулçи, ыхран 5-6 шăлĕ, 5-6 пĕрчĕ хура пăрăç

хумалла. Банкăна купăста татăкĕсем тултармалла (илемлĕ курăнма вĕсем хушшине пĕçермен хĕрлĕ кăшман

татăкĕсем хумалла), вĕресе тăракан маринад ямалла, хупăпа витмелле, пĕр талăк тытмалла. Купăста хатĕр!

Холодильникре упрамалла.

Маринад: 1,5 л шыва 4 апат кашăкĕ сахăр, 4 апат кашăкĕ тăвар ярса вĕретмелле, çулăма сÿнтермелле, 3 апат кашăкĕ уксус эссенцийĕ хушмалла.

https://aur-vesti-ch.rbsmi.ru/articles/apach-tutl-pult-r/t-varlan-kup-sta/