Тĕслĕ купăста маринадлатпăр

1 килограмм тĕслĕ купăста, 4-шар хĕрлĕ тата симĕс пылак пăрăç, 50 грамм петрушка, 2 чей кашăкĕ 70 процентлă уксус, 3 апат кашăкĕ тăвар,0,5 литр шыв кирлĕ.

Купăста „чечекĕсене” пĕр-пĕринчен уйăрмалла.

Пăрăçа вăрринчен тасатса çÿхен, çавракан касмалла.

Петрушкăна вĕтетмелле.

Кĕленче савăта сийĕн-сийĕн купăста, хĕрлĕ пăрăç, петрушка, симĕс пăрăç, купăста... хумалла.

Тăвар, тин вĕренĕ шыв ямалла.

Савăта вĕри шыв тултарнă кастрюле лартмалла, çиелтен хупласа 20-25 минут стерилизацилемелле.

Уксус, тин вĕренĕ шыв хушмалла. Тимĕр хупăпа хупмалла. Кутăн май çавăрса лартса япалапа чĕркемелле.

Читайте нас: