Çутă çул
+25 °С
Пӗлӗтлӗ
Пур хыпар та
Апачĕ тутлă пултăр
10 Нарӑсӑн 2020, 20:36

«ХӖЛЛЕХИ ЮМАХ» КУКĂЛЬ

Чуста валли 200 г маргарин, 1 стакан хăйма, 3 çăмарта сарри, 1 стакан сахăр песокĕ, 1,5 стакан çăнăх, çур чей кашăкĕ апат соди; ăшлăх валли 1 стакан кĕтмел çырли, 1 лимон, 1 стакан сахăр песокĕ, 3 çăмарта шурри кирлĕ.

Асăннă ингредиентсенчен хăвăрт кăна чуста хатĕрлемелле те çуланă противень е çатма çине сарса хумалла. Духовкăна лартса сараличчен пĕçермелле. Ăшлăх хатĕрлемелле: кĕтмел çырлине (клюква) лимонпа пĕрле мясорубка витĕр кăлармалла та çур стакан сахăр песокĕпе хутăштармалла. Çăмарта шуррине юлнă сахăр песокĕпе пĕрле уйрăммăн кăпăкланиччен лăкамалла. Пиçнĕ чуста çине малтан çăмарта шурринчен хатĕрленĕ крем, унтан кĕтмел çырлипе лимон хутăшне хумалла. Кукăле каллех духовкăна лартса 20 минут тытмалла. Хатĕр кукăле кĕтмел çырлипе илемлетмелле.
Читайте нас: