Йăва

1 кг чуста валли:700 г çăнăх,2 çăмарта, 10 г тăвар,20 г услам çу,100 г пыл.Сĕт янă савăта тăвар, çăмарта, ирĕлтернĕ услам çу ямалла. Лайăх пăтратмалла та алланă çăнăх хушмалла, унтан çемçе çăрнă чустана 15-20 минут хăпартмалла. Кайран чустана çĕнĕрен çăрмалла та вĕрен пек йăваламалла, ăна татăксем çине касса тухмалла та çавракалатмалла. Кăмакара е духовкăра пĕçермелле. Ӳсентăран çăвĕ янă çатма çинче те ăшалама юрать, анчах та çуне шеллемелле мар. Çу нумай янă çатмара йăвасем пĕр тикĕс хĕрелсе пиçеççĕ. Вĕри йăвасене пылпа сĕрмелле.