Чи лайăх квас йышне кӗнӗ

«Раҫҫейри пахалӑх системи» ҫӗршыври лавккасенче сутӑнакан квасӑн çичĕ маркине тишкернӗ. Палӑртма кӑмӑллӑ: «Букет Чувашии» кӑларакан «Килти квас» тӗрӗслев витӗр тухнӑ.

Тӗрӗслеве хутшӑннӑ виçĕ кваса технологие пӑсса хатӗрленнине палӑртнӑ. Хӑшӗ-пӗрне ГОСТпа килӗшӳллӗн вӗретмен.

Тӑватӑ квас ҫеҫ – «Очаковский», «Букет Чувашии», «Желтая бочка», «Силич» - тӗрӗслев витӗр тухнӑ, вӗсем пахалӑхлӑ пулнине палӑртнӑ.

Сӑмах май, 2017 ҫулта «Букет Чувашии» квасӗ тӗрӗслевре палӑрайман, ӑна йӳҫӗтес тӗлӗшпе технологие пӑснине пӗлтернӗччӗ. Халӗ ку квас пахалӑхӗ лайӑхланнине палӑртнӑ.