Пишпÿлекри "Умка" ача садĕнче "Салтак валли посылка" акци иртнӗ

Пишпÿлекри "Умка" ача садĕнче СВОна хутшăнакансем валли гуманитарлă пулăшу пухассипе "Салтак валли посылка" акци иртнӗ. Акцин тӗп тӗллевӗ - Раҫҫей ҫарне пулӑшасси, граждансен пӗрлӗхне кӑтартасси. Ҫакӑн пек ансат мар тапхӑрта, чи кирли, пӗрлӗхлӗ те пӗрлешÿллĕ халӑх пулмалла, хамӑр ентешӗмӗрсемпе хамӑр ҫар служащисене пӑрахмалла мар, вӗсем кашни кун паттӑрлӑхпа вӑй кӑтартаҫҫӗ.
Воспитанниксен ашшӗ-амӑшӗсем, ача садӗнче ӗҫлекенсем медикаментсем, апат-ҫимӗҫ, пылак япаласем, кашни кун кирлӗ япаласем пухнӑ. Ача садӗнчи воспитанниксем пирӗн салтаксене ӳкерчӗксем, открыткӑсем ӳкернĕ. Çак акципе эпир ачасене тӗслӗх кӑтартатпăр, вӗсенче патриотизм, пӗр-пӗрне пулӑшмаллине, ырӑ та уҫӑ кӑмӑллӑ пулмаллине палӑртатпăр.
Пӗтӗм гуманитари пулӑшӑвне волонтерсен "Все для фронта - Бижбуляк" штабне леçсе панă та çавăнтах пирӗн боецсене янӑ.
Асӑннӑ акцие хастар хутшӑннӑшӑн воспитанниксен ҫемйисене, ача сачĕн сотрудникĕсене пысӑк тав. Тавтапуҫ сӳрӗк мар пулнăшăн, тимлӗхшӗн, пурнӑҫри активлӑ позицишӗн, пӗрле ӗҫленӗшӗн!

Сăнÿкерчĕкĕ: Пишпÿлекри "Умка" ача сачӗн социаллă сетьри страницинчен.
https://vk.com/club217412282