Пушкӑртстанри пенсионерка хӑйӗн автомобильне СВО боецӗсене панӑ

Благовар районӗнчи Сарайлӑ ялӗнче пурӑнакан Хатима Мавлютова боецсене СВО зонине автомобиль панӑ. Кун пирки «Башинформа» волонтер, предприниматель Марат Гирфанов пӗлтернӗ.

Хатима Мавлютова каланӑ тӑрӑх, вӑл 30 ҫул ытла колхозра механизаторта ӗҫленӗ, пенсие тухсан хӑйӗн ачисене, ҫывӑх ҫыннисене пулӑшать.

«Пенсие тухрӑм та, халӗ килте ларатӑп. Техника вара пирӗн боецсене кирлӗ пулать. Манӑн икӗ кӗрӳ тӑван ҫӗршыва хӳтӗлеме тӑчӗ. Вӗсенчен пӗри Пушкӑрт батальонӗнче водительте тӑрӑшатчĕ. Шел те, паттӑрла пуçне хучĕ. Иккӗмӗш кӗрӳ паян малти линире, ҫавӑнпа ҫемйипех хамӑр паттӑрсене пулӑшма тӑрӑшатпӑр. Икӗ хӗр те хӑйсен машинисене СВО зонине ӑсатрĕç», — каласа панă Хатима Мавлютова.

Машинӑна вӑрҫӑ службине Марат Гирфанов хатӗрлӗ. СВО пуҫланнӑранпа вӑл передовой валли техника юсать, боецсем валли гуманитари пулӑшӑвӗ пухать.

«Малтан пирӗн пата «КамАЗ» позывнойлӑ боецӑн тӑлӑх арӑмӗ Альбина Сафаргалеева пычӗ, вӑл хӑйӗн вилнӗ упӑшкин машинине илсе кайма сӗнчӗ. Эпир унта пурӑнакансемпе пӗрле ӑна пурнӑҫа кӗртрӗмӗр, бронезащитӑ лартрӑмӑр, бампера ҫеҫ вӑйлатмалли юлчӗ. Пурӗ эпир ҫакӑн пек пилӗк машина хатӗрлерӗмӗр, ноябрь вӗҫӗнче вӗсене малти линие ӑсатӑпӑр", - каласа кӑтартнă Марат Гирфанов.

Сӑнӳкерчӗкĕ: Марат Гирфанов / публикаци геройӗ панӑ.

https://www.bashinform.ru/news/svo/2025-11-17/pensionerka-iz-bashkirii-otdala-svoy-avtomobil-boytsam-svo-4469766