Вӑрах вӑхӑт ҫунмалли шӑрпӑк ӑсталама ӑсталӑх класӗ ирттернĕ

Калинин ял Совечĕн волонтерӗсем Э.З. Валиева тата Р.А. Мирсаяпова Усак Кичури вăтам шкулти 6 тата 8 классенче вӗренекенсемпе СВО валли вӑрах вӑхӑт ҫунмалли шӑрпӑк ӑсталама ӑсталӑх класӗ ирттернĕ.

Кун пек шӑрпӑксемпе, «сӳнмен» текеннисемпе, кӑвайт чӗртнӗ, кӑмака ҫунтарнӑ е апат ӑшӑтнӑ чухне усӑ курма пулать. Шӑрпӑк ҫиллӗ ҫанталӑкра та, ҫумӑр лӳшкесен те сӳнмест, ҫирӗм минута яхӑн ҫунма пултарать. Кун пек шӑрпӑкпа кӑвайт чӗртме кӑна мар, пӗр курка шыв ӑшӑтма та пулать. Шӑрпӑк тума нумай кирлӗ мар — ахаль шӑрпӑк, ҫип, парафин, хӑйӑ тата хут салфиткесем çеç.

#РоссияСемьяСемей
#Росмолодежь
#БашМолодежь
#МесяцДобрыхДел2025
#Бижбулякскийрайон

Сăнÿкерчĕкĕсем: Пишпÿлекри çамрăксен «Вектор» центрăн социаллă сетьри страницинчен.

https://vk.com/club43415916