Пишпÿлекре Аслӑ Ҫӗнтерӳ 80 ҫул ҫитнине халалланӑ эстафета иртнӗ

Ӑмӑртусем тĕп площадьрен тапхӑрӑн-тапхӑрӑн стартланă. Ӑна тӗрлӗ ҫулсенчи 150 ытла ҫын хутшӑннӑ. Пурӗ 30 команда тупӑшнӑ. Эстафета ӑмӑртăвĕсем яланах хӑвӑрт та эмоциллӗ иртеҫҫӗ. 7-9-мĕш классенче вӗренекен ачасем хушшинче тӑхӑр команда ăмăртнă. Пӗрремӗш вырӑна Пишпÿлекри 3-мĕш вӑтам шкул спортсменĕсем, иккӗмӗшне — Кăрканти вăтам шкулта вӗренекенӗсем, виҫҫӗмӗшне — Хушăлкари вăтам шкул ачисем шанчӑклӑ ҫӗнсе илнӗ. Аслӑ ҫулти ушкӑнра ҫичӗ команда пулнӑ. 10-11-мĕш классенче вӗренекенсем хушшинче ӑнӑҫу каллех Пишпÿлекри 3-мĕш вӑтам шкул команди енче пулнă, иккӗмӗшӗ — Хушăлкари вăтам шкул  вӗренекенĕсенче, виҫҫӗмӗшӗмĕ — Пишпÿлекри 1-мӗш вӑтам шкулти аслӑ класра вӗренекенсенче.

Райцентрти ача сачӗсен командисем хушшинче «Умка» ача садӗнчи воспитательсене çитекенсем пулман. Иккӗмӗшӗ — «Улыбка» ача сачӗн командинче, виҫҫӗмӗшӗ  «Журавушка» ача сачӗн команди пулса тӑнă.

Райцентрти вӗренӳ тата организацисен ҫичӗ команди хушшинче К. Иванов ячӗллӗ Пăслăкри вӑтам шкулти чупакансем пурне те тӗлӗнтернӗ, иккӗмӗшӗсем финиш патне Пишпÿлекри 2-мӗш вӑтам шкулти педработниксем, виҫҫӗмӗшсем — Пишпÿлекри 3-мӗш вӑтам шкулти педработниксем пулса тăнă. Организаторсем пур призерсене те медальсем, ҫӗнтерӳҫӗсене кубоксем панă.

 

Ҫӗнтерӳҫӗсен командисем Ҫӗнтерӳ ялавне эстафетӑпа парассинче хутшӑннӑ, вăл Тӑван çӗршыв хӳтӗлевçисен паркӗнчен символла чупса тухса пуçланнă, Çӗнтерӳ паркӗнче вӗҫленнӗ. Кунта спортсменсем район администраци пуҫлӑхне Артур Зарипова хӗрлӗ ялава панă, вӑл чаплӑ ушкӑна Ҫӗнтерӗвӗн таса символне панă, вĕсем Ҫӗнтерӳ 80 ҫул тултарнине уявланӑ чухне тĕп площаде чаплӑн илсе ҫитерĕç. Ҫак пулӑмсемпе эмоцисемпе тулнӑ кун асăнмалăх сӑнӳкерчӗк ÿкнипе вӗҫленнӗ.

 

Владимир СМОЛОВ.

 

Сӑнӳкерчӗкӗсем: Владимир Смолов.