Михайловкăри юнармеецсем вӑрҫӑ ачисем патне пырса курнӑ

Пӗтӗм Раҫҫейри "Ветеран патне хӑнана" акци шайӗнче Михайловкăри вăтам шкулăн юнармеецĕсем вӑрҫӑ ачисене Ҫӗнтерӳ кунӗ умӗн пырса курнӑ.
Ачасем педагогика ӗҫӗн ветеранӗсене Николаевсен ҫемйине - Константин Арсентьевичпа Сагера Минибаевнана уяв ячӗпе саламланă.
Вӑрҫӑ ҫулсене пӗлмест. Унӑн пӗтерекен хӑрушӑ сӑн-пичӗ умӗнче ватти те, кӗҫӗнни те пӗр тан. Вӑрҫӑ ачисен шӑписем тӗрлӗ, анчах вӗсене пурне те пӗрлехи трагеди, ачалӑхӑн илемлӗ тӗнчине ҫухатни пӗрлештерет. Вӑрҫӑ ҫулӗсенче кашни ача хӑйӗн паттӑрлӑхне тунӑ – выҫӑпа хӑранине пӑхмасӑр, ачасем ҫаплах вӗреннĕ, фронта посылкӑсем янă, уй-хирсенче ӗҫленĕ, ҫӗнтерӗве йывӑр ӗҫпе ҫывхартнă. Паян вӗсем ҫав трагедиллӗ кунсен юлашки свидетелĕсем.
#оВеликойПобеде
#ДвижениеПервых
#ДвижениеПервыхБижбуляк
#ВолонтёрыПобеды
#НаследникиПобеды
Сăнÿкерчĕкĕ: Михайловкăри вăтам шкулăн социаллă сетьри страницинчен.
https://vk.com/club201689192