Пирӗн ентешсем - Совет Союзӗн Геройӗсем

 

Василий Федорович Титов мартăн 3-мӗшӗнче 1911 ҫулхи Пушкӑрт АССР Пишпÿлек районӗнчи Покровка ялĕнче ҫуралнӑ. Совет Ҫарне 1941 ҫулхи ноябрӗн 26-мӗшӗнче Кокандри райвоенкомат чӗнсе илнӗ.

Аслӑ Отечественнӑй вӑрҫӑ фронтӗнче 1942 ҫулхи апрель уйăхĕнчен. 120-мӗш стрелковӑй полк взвочӗн командирне пулăшаканĕ (69-мӗш стрелковӑй дивизи, Центральнӑй фронт). В.Ф. Титов аслӑ сержант 1943 ҫулхи октябрӗн 15-мӗшӗнче Гомель облаҫӗн Лоевски районӗнче Днепр урлӑ каҫнӑ чухне паттӑрла ӗҫ тунӑ. Совет Союзӗн Геройӗ ята В.Ф. Титова 1943 ҫулхи октябрӗн 30-мӗшӗнче панă. Вӑрҫӑ хыҫҫӑн Василий Титов ял хуҫалӑх энергоуправленийӗнче, Черновцы (Украина) хула комитечӗн социаллӑ тивӗҫтерӳ пайӗн заведующийӗнче ӗҫленӗ. Ленин, Отечественнӑй вӑрҫӑн I степеньлӗ орденĕсемпе, Хӗрлӗ Ҫӑлтӑр орденĕпе, медальсемпе наградӑланӑ.