Çутă çул
+24 °С
Пӗлӗтлӗ
Пур хыпар та
Чăвашлăх
21 Ноябрӗн 2019, 18:39

Авалхи япаласем кайма васкамаççĕ

Пушкăртстан Республикин культурине халăх творчествин, искусствин нумай енлĕхĕ сăнласа парать.

Кашни япалан хăйĕн историйĕ пур. Пĕр е тепĕр япалапа мĕнле усăланни пирки эпир кулленхи вăхăтра шухăшлатпăр-и? Пишпÿлекри Культура керменĕнчи «Кил вучахĕн ăшши» музейре ĕлĕк-авал тата нумай пулмасть иртнĕ вăхăтсенче усă курнă япаласем пухнă. Экскурсовочĕ — Валентина Александровна Иванова. Музей ĕçленĕ çулсенче кунта темиçе пин çын кĕрсе тухнă, пĕри те сÿрĕк кăмăллă пулман.

Пелепей районĕнчи ветерансен совечĕн делегацийĕн ятĕнчен М.П. Сидоров çырса хăварнă, вăл чăваш йăли-йĕркине упраса хăварнăшăн, мăн асаттесемпе асаннесем çинчен манманшăн тав тунă. Музейре Байконуртан Хариенко тата Кувыкинсен çемйисем, Кобленц (Германи) хулинчен Александрпа Татьяна Упру, Уфаран Маргарита Яковлева, Юлия Павлова, Расима Закирова, Эльвира Гимадеева, Рустам Хасанов ăшă сăмахсем çырса хăварнă. Авалхи япаласене пăхнă май çынсем, уйрăмах ачасем, чылай ыйтусем параççĕ. Вĕсене пĕр е тепĕр япала мĕн тума кирли интереслентерет.

Борис Тарасов амăшĕ Ольга Дементьевна Тарасова тата Пелагея Парфирьевна Ушакова тунă тăм куршуксем çинчен каласа панă. Парнене кăкшăм парнелесе хăварнă. Кунта кĕрсен пăхмалли, сăнамалли пите нумай.

Галина ВАРИКОВА.

Сăнÿкерчĕкĕ: Айгуль ГАРЕЕВА.
Читайте нас: