Хусанта чăваш культурин кунӗсем иртеççĕ

Сентябрӗн 21-23-мӗшӗсенче Хусанта Чăваш культурин кунӗсем иртеççӗ. Мероприятие Тутарстанри Тăван чӗлхесемпе халăхсен пӗрлӗхӗн çулталăкне халалланă.

Сентябрӗн 21-23-мӗшӗсенче Хусанта Чăваш культурин кунӗсем иртеççӗ. Мероприятие Тутарстанри Тăван чӗлхесемпе халăхсен пӗрлӗхӗн çулталăкне халалланă. Мероприятин программи анлă: спектакль, кино, концерт.

Чăваш театрне кăмăллакансем сентябрӗн 21-мӗшӗнче Г.Камал ячӗллӗ театрта «Шуйттан чури» икӗ пайлă мистикăллă драмăна курма пултараççӗ. Я.Ухсай трагедийӗ тăрăх лартнă постановкăна К.В.Иванов ячӗллӗ Чăваш патшалăх академи драма театрӗ кăтартӗ.
Сентябрӗн 22-мӗшӗнче ТР Халăхсен Туслăх Çуртӗнче «Чăвашкино» патшалăх киностудийӗ Алексей Енейкинăн «Кунта тăшман ури ярса пусмӗ» («Сюда не ступит нога врага») ятлă вырăсла-чăвашла телефильм кăтартӗ. Ăна 1941–1942 çулсенче Сăр тата Хусан оборона линийӗсен строительствине хутшăннисене халалланă. Фильма ӳкернӗ çӗрте чăваш театрӗсен артисчӗсем хутшăннă.
Сентябрӗн 23-мӗшӗнче Халăхсен Туслăх Çуртӗнче Чăваш патшалăх юрăпа ташă ансамблӗн пысăк концерчӗ пулать. Куракансем пирӗн халăхăн чи паха юрри-ташшипе паллашӗç.

ТР ЧНКА пресс-служби.
К.Малышев сăнӳкерчӗкӗ

Подробнее: http://suvargazeta.ru/news/cn-khyparsem/chavash-kulturin-kunsem-khusanta-chavashla-spektakl-kino-tata-kontsert-kurmasar-an-yular