«Kӗмӗл сасă 2022» конкурсра Пушкăрт юрăçи çӗнтернĕ

Апрелӗн 16-мӗшӗнче Шупашкарта Çеçпӗл Мишши ячӗллӗ çамрăксен театрӗнче «Kӗмӗл сасă 2022» эстрада юррисен пӗтӗм Раççейри 23-мӗш конкурсӗн финалӗ иртрӗ. ЧНК пресс-служби пӗлтернӗ тăрăх конкурса Питӗр, Чӗмпӗр, Пенза хулисенчен, Самар облаçӗнчен, Тутарстан, Пушкăрт, Чăваш республикисенчен 19 каччăпа хӗр хутшăннă.

"Кĕмĕл сасă" - 2022" фестиваль-конкурсӑн гран-прине Пушкӑрт Республикинчи Çтерлĕ хулинчен килнӗ Кристина Суслова «Пӗрле ялан» юрӑпа ҫӗнсе илнӗ.

Çавăн пекех  Кристина Суслова «Куракансем килěштернě юрăç» пулса тăнă.

«Чи çепěç сасăллă юрăç» — Василиса Павлова (Шăмăршă районĕ);

Ушкӑнпа юрласа çěнтернě пикесем Кристина Сусловăпа Диана Макеева «Сик-тух» чăваш халăхěн юррипе куракансене савăнтанӑ (Пушкăрт Республики, Çтерлĕ хули).

Ушкӑнпа юрласа иккӗмӗш вырӑна тухнă маттур юрăçсем Сергей Иванов, Людмила Засыпкина тата Людмила Андреева – (Чăваш Республики, Элĕк районĕ).

Ушкӑнпа юрласа виççӗмӗш вырӑна тивӗҫнӗ хӗрсем Анна Кузнецова, Кристина Федорова, Оксана Прокопьева, Светлана Бахтинова (Чěмпěр облаçě).