Çутă çул
+1 °С
Пӗлӗтлӗ
Пур хыпар та
Чăвашлăх
14 Кӑрлач 2023, 16:30

Çĕнĕ çул каçĕ

Григорий Скворцов | Сăвă.

Çĕнĕ çул каçĕ
Çĕнĕ çул каçĕ

Григорий Скворцов | Сăвă
Шак! шаккать хуллен сехечĕ,
Çеккунтсен иртет черечĕ.
Кĕç минут та, ак, тулать —
Минутран сехет пулать.
Çавăн пек иртет çулталăк,
Çĕнĕ çул уçать çĕн алăк —
Хĕл Мучийĕ, Юр пике
Килсе кĕчĕç ман киле.
Пичĕсем улма пек хĕрлĕ,
Кучченеçĕ — темĕн тĕрлĕ,
Йăл! кулли çиçет сăнра,
Сĕнсе пăхрăм эп сăра.
Симĕс чăрăш тавралла,
Питĕ савăк йышпала:
Тилĕ, кашкăр та куян —
Ташша ятăмăр вăйран.
Кĕмĕл уйăх кантăкран
Пăхса илчĕ кăшт тăрсан.
Пухрĕ çăлтăр картине,
Вăййа тухрĕ тӳпене.
Шак! шаккать хуллен сехечĕ,
Минутсен иртет черечĕ,
Ак, вун иккĕ вăл çапать,
Çĕн çула вăл ал парать.
Курантпа пĕрле хаваслăн
Хрустальсем янраç пĕр саслăн.
Çĕнĕ çул, пуçла кунна —
Раççейпех кĕтнĕ хăна.

Çĕнĕ çул каçĕ
Çĕнĕ çул каçĕ
Автор:
Читайте нас: