Çирĕклĕ клубӗнче "Чӑваш вӑййисен калейдоскопӗ" фольклор сехечӗ иртнӗ

Чӑваш фольклорӗ пуян та тӗрлӗ енлӗ, унта ачасемпе аслисемшӗн вӑйӑсем нумай.
Вӑхӑт иртнӗҫемӗн ҫав вӑйӑсем, халӑх пултарулӑхӗн ытти тӗсӗсем пекех, манӑҫа тухаҫҫӗ.
Февралӗн 6-мӗшӗнче Çирĕклĕри ял клубӗнче "Чӑваш вӑййисен калейдоскопӗ" фольклор сехечӗ иртнӗ. Ертсе пыракан чӑваш халӑхӗн йӑли-йӗркисем ҫинчен каласа панă. Унтан чӑвашсен каларӑшӗсене аса илнĕ.
Мероприятие хутшӑнакансем тӗрлӗ хускануллӑ вӑйӑсем вылянă: "Çырма", "Тункатасем", "Пушă вырӑн", " Йӗппе ҫип", "Уйӑх е хӗвел ".
Чӑваш халӑх вӑййисем нумай енлӗ тата наци колоричӗпе уйрăлса тăраҫҫӗ. Хутшӑнакансем хастар хутшӑннӑ, вӑр-вар та тавҫӑрулӑх кӑтартнӑ, кашни вӑйăра халӑх кĕвви янăранă.

Сăнÿкерчĕкĕсем: Çирĕклĕри ял клубӗн социаллă сетьри страницинчен.
https://vk.com/club135580128